الساحل الغربي

انا البارحه عشت سنيـن بهاجـس الترحـال
....................................طيوفـك يـوم مرتنـي سنينـي ماتساويهـا
ذكرت الليل والقمـرا ونجـمٍ بالسمـا مـازال
.................................ذكرت الساحل الغربي بحـر جـده وشاطيهـا
ذكرت الموعد الراحل وسهل ابيوتنـا وجبـال
................................وسهـرة ليلـةٍ نـورك اذا جيتـي يضويهـا
ذكرت اروع حكايات الغـرام وجـرة المـوال
.................................وذكرت اجمل قصايد حـب لعيونـك اغنيهـا
ذكرت الليل يوم انـه يطـول وليلنـا ماطـال
............................. وذكرت الخصله اللي كنت اقلك مقتلـي فيهـا
سقا الله يوم كنت اهواك ويقولون لعب اعيـال
.............................ولاخايـن ولاحاسـد ولا العـذال تغـويـهـا
يسمون الغلا كذبـه يسمونـه غـرام اطفـال
................................يسمونـه حكايـة عشـق مفقـوده امانيهـا
كبر حبي وخفيتـه اخـاف النـاس والعـذال
..............................وتزعـل كثرماترضـا ونـا قلبـي يراعيهـا
تمنيـت الوفـا يبقـا ولكـن الوفـا ماطـال
...............................خسارة كثر ماهلـت دمـوع العيـن ترجيهـا
هوت غيري ( هوت غيري ) وربي عالمٍ بالحال
..............................هوت غيري بها الدنيـا تبـي تسعـد لياليهـا
اذا ماهزهـا دمعـه تحيـر بمقلـة الرجـال
.............................ذرف باقـي دمـوع العيـن باولهـا وتاليهـا
غريبه كيف تنشدني وتسأل كيفهـا الاحـوال ؟
...........................عقب ماطابت اجروحي تبـي ترجـع تعنيهـا
عقب ماهزها ذكرى السنين وروعـة الاطـلال
............................تبي تعرف الين الحين باقي ميـتٍ فيهـا ..
انا عشت الهوى صادق شموخ وما يعرف اذلال
..............................عطيت القلب قبل العين والا الـروح معطيهـا
صحيح الوقت غلبني وعاندني وحظـي مـال
............................ولكـن الامـل بالله كبيـر انـه يسـويـهـا
انا كنزي من الدنيا قناعه فـوق طيبـة فـال
............................عطيت ومـا لقيـت الا جـروح الله يشفيهـا
انا مشكور بحضورك وحالي صارت احسن حال
............................دخيلك لاتزيديـن الجـروح اللـي جرحتيهـا
نسيتك للأسف وانتي تناسي قصتـي بالحـال
............................. وتراها غلطتي انتي وغلطـه قلـت اسويهـا